URDD GOBAITH CYMRU - CYNGOR, 23 MEHEFIN 2001

Presennol: Rhiannon Lewis; I. Prys Edwards; Wynne Melville Jones; Geraint Rees; Eurig Davies; Marc James; Eirith Evans; Manon Jones; Alun Edwards; Iolo ab Eurfyl; Buddug Llwyd; Meriel Parry; Gwyndaf Roberts; Gerallt Rhun; Gwyn L. Morris; Dilwyn Price; Catrin Rhys Roberts; Edward M. Jones; Stan Lyall; Carys Lewis Jones; Lyn Mortell; Carys Williams; Llinos Ann Roberts; Lona Evans; Carol Davies; Nia Chapman; Glyn T. Jones; Marion Owen; Alun Roger Parry; Alun Jones; Ken Parfitt; John Rees; Jim O'Rourke; Mai Parry Roberts; Iola Jones; Siân Eleri Davies; Efa Gruffudd; Dafydd Carrington; Siân Eirian; Dyfrig Morgan; Alun Owens.

Ymddiheuriadau: Dyfrig Jones (Llywydd); Bob Roberts; Alwyn Evans; Ceri Pierce Hughes; Arwel Roberts; Eirian Jones; Edwin Jones; Nia Jones; Tudur Dylan Jones; Siôn Edwards; Janet Evans; Siân Eurig; Eddie Jones; Delyth James, Ruth Davies; Siân Vaughan Jones; Marilyn Lewis; Dyfrig Ellis; Anne Hughes; Gwawr Davies; Patric Stephens.

1. Croesawyd pawb gan y Cadeirydd Rhiannon Lewis gan ddiolch i Alun a staff Glan-llyn. Nodwyd bod cyfnod anodd wedi dod i ben a bod cynlluniau yn awr i ail lansio'r mudiad yn yr Hydref. Roedd yr ý yl yn llwyddiannus iawn gyda chydweithio braf rhwng y staff, gwirfoddolwyr a'r cyfryngau - y wasg, radio a theledu.. Diolchwyd i Siân Eirian â'r tîm.

3. Adroddiad o'r Bwrdd Busnes (gan Geraint Rees Trysorydd)	Diolchwyd Geraint i Bob Roberts am ei waith dros nifer o flynyddoedd. Nodwyd effaith y clwy ar lif arian y mudiad gan ddisgwyl colledion o gwmpas £500,000 am y flwyddyn 2000 - 2001. Roedd y colledion cyn effaith y clwy fel roeddwn yn disgwyl tua £120,000 ac roedd penderfyniadau wedi ei gwneud yn Chwefror i osod amcangyfrifon bositif am 2001 - 2002. Roedd pob adran wedi cadw o fewn eu cyllideb gwariant am y flwyddyn gyda rheolaeth da ar y costau ond roedd y targedau incwm yn rhy obeithiol. Roedd effaith y Clwy Traed a'r Genau dros £500,000 ar draws dwy flwyddyn ariannol ond roedd arwyddion ein bod wedi troi cornel gyda ffigyrau incwm calonogol yn y Gwersylloedd a llwyddiant yr gwyl.
	Mae torri ar staffio ar draws y mudiad yn broses boenus ac roedd rhaid cael sicrwydd i'r staff sy ar ôl. Edrychwn nawr at gyfleoedd i godi incwm trwy grantiau neu nawdd gan aneli at ail adeiladu i lenwi bylchau fel bo angen.
	Mae gwerthu eiddo yn symud ymlaen trwy gyfnewid cytundeb i werthu Caernarfon a chryn ddiddordeb yn y swyddfa yn Aberystwyth. Cefnogwyd y cynnig bod y Cadeirydd, Trysorydd a'r Prif Weithredwr yn cael yr hawl i wneud penderfyniad i dderbyn y cynnig gorau. Mae yna arwyddion mwy obeithiol am gefnogaeth grantiau i ddatblygiadau arfaethedig yn Llangrannog hefyd.
	Nodwyd pryder am gost gynyddol i'r mudiad am yswiriant ond penderfynwyd gan y Cyngor bod angen Yswiriant Cyfrifoldeb Cyhoeddus am £10 miliwn yn hytrach na £2 miliwn. Nodwyd bod gan yr Urdd hanes da iawn yng nghyd-destun gofal plant ac asesiad risg ar bob gweithgaredd.
	Adroddwyd bod y Bwrdd Busnes yn awyddus i gydnabod teyrngarwch y staff a’u hymrwymiad i'r mudiad yn ystod y misoedd anodd. Roedd y Bwrdd yn awyddus i godi cyflogau mewn cyd-destun costau byw ond yn ceisio bod yn ofalus oherwydd effaith y Clwy Traed a'r Genau. Cefnogwyd cynnig Y Bwrdd Busnes bod cyflogau yn codi ar draws y mudiad fel a ganlyn: o 1 Ebrill - 31 Awst 2001 - 1.7% (wedi ei ôl-dalu) a 2% ychwanegol o 1 Medi - 31 Mawrth 2002. Cefnogwyd codi tâl aelodaeth i £4.50 gyda manteision i aelodau sy'n ymuno cyn 31 Rhagfyr 2001 - C.D. arbennig i'r aelodau Uwchradd/Urddaholics a chyfres o sticeri i blant cynradd. 31 Rhagfyr 2001 fydd hefyd y dyddiad terfynol i ymaelodi er mwyn cystadlu yn Eisteddfodau 2002.
	Diolchwyd i'r Prif Weithredwr, Cyfarwyddwr Busnes a Phersonél a'r tîm staff am gario baich mawr trwy gydol y misoedd anodd. Nodwyd bod lleihad mawr yn y tîm staff e.e.10 sydd ar ôl yn Aberystwyth, 4 yn yr Adran Eisteddfod, yn ogystal â cholli Swyddogion Datblygu Cynorthwyol yn creu pwysau ychwanegol ar y tîm sydd ar ôl a bod angen trafodaethau gyda Bwrdd yr Iaith â'r Cynulliad i geisio cynyddu y grantiau sy'n cefnogi gwaith y mudiad. Nodwyd canmoliaeth i'r mudiad gan y Cynulliad a Bwrdd yr Iaith am y ffordd gwnaethom ymateb i'r argyfwng - yn strategol a effeithiol ond bod angen edrych yn awr at ail adeiladu.

4. Bwrdd Y Maes - Adroddiad gan Marc James (Ysgrifennydd yr Urdd)	Esboniwyd am yr angen am y Daith Gyhoeddusrwydd a diolchwyd am gefnogaeth Y Cynulliad (£150,000) i'r daith.
	Chwaraeon - Nifer o ddigwyddiadau wedi eu gohirio ond Gý yl Rygbi llwyddiannus iawn yn Llanelli - gobeithio bydd Gwyliau Pêl-droed a Phêl-rwyd blwyddyn nesaf.
	Mae cryn waith hefyd ar hyn o bryd parthed Cyrsiau Hyfforddi Chwaraeon i'r staff a gobeithio cyn hir bydd gweledigaeth Chwaraeon yr Urdd yn cael eu cytuno gyda'r Cyngor Chwaraeon.
	Cyd-ddyn a Christ - Llongyfarchwyd Ysgol Gyfun Gwynllyw am y Neges Ewyllys Da. Cytunwyd bydd Ysgol Uwchradd Dyffryn Conwy yn paratoi Neges 2002.
	Nodwyd hefyd trafodaethau yn y Pwyllgor Cyd-ddyn a Christ a'r gobaith o gais i ariannu swydd sydd yn cael ei gyflwyno i DFID o fewn y misoedd nesaf. Ymgyrch 2001 - 2002 bydd "Croeso Calcutta" ar y cyd gyda Cymorth Cristnogol.
	Grant Lloyds/TSB - Derbyniwyd grant i gyflogi Swyddog rhan amser i weithio ar fynediad pobl anabl i weithgarwch yr Eisteddfodau Cenedlaethol.
	Adroddiad Edward Elias - Cyrhaeddwyd yr Adroddiad o dan unrhyw fater arall a phenderfynwyd er mwyn cael trafodaeth lawn ar y pwyntiau bod angen ystyriaeth ymlaen llaw gan aelodau'r Bwrdd ac ystyriaeth hefyd yn y Rhanbarth a'r Dalaith.
	Grantiau - Croesawyd y cyfle i i benodi dwy swydd ychwanegol yn y De yn dilyn llwyddiant ceisiadau am grantiau. Ariannir y swyddi yn llawn heb gyfraniad ychwanegol gan yr Urdd. Byddwn yn hysbysebu cyn hir.


5. Bwrdd yr Eisteddfod a'r Celfyddydau - Adroddiad gan Eurig Davies	Adroddwyd am lwyddiant yr ý yl a rhan allweddol Siân Eirian o fewn wythnosau o gychwyn fel Cyfarwyddwr yr Adran. Datganwyd pryder am lefel staffio yn yr Adran - 4 llawn amser gyda'r amserlen yn bwrw ymlaen ar gyfer trefniadau 2002, 2003 a 2004. Bydd rhaid sicrhau adnoddau staff ychwanegol yn fuan. Nodwyd yr angen am gefnogaeth ar lefel uwch yn ariannol gan y Cynulliad neu Bwrdd yr Iaith. Gobeithir hefyd bydd modd elwa o'r ý yl 2001 mewn syniadau a threfniadau i’r Eisteddfodau draddodiadol i'r dyfodol e.e. y rhaglenni teledu, proffil i'r prif enillwyr, portread o'r darn. Mae cymhlethdod hawlfraint yn broblem gynyddol.
	Trafodwyd dileu yr holl dlysau ond penderfynwyd i barhau a'r trefniant ar hyn o bryd. Bydd y sefyllfa parthed gosod a chyhoeddi marciau i'r cystadlaethau yn cael ei arfarnu trwy'r Rhanbarthau.
	2002 Testunau Llenyddol/Gwaith Cartref ar gael trwy Cyfansoddiadau 2001
	2003 Adolygu testunau ymhen pythefnos.
	2004 Ynys Môn - cyfarfod cyhoeddus ar 10 Medi 2001.
	2005 Canolfan Y Mileniwm.
	Mae trafodaethau ar y gweill ymlaen i 2012.
	Conwy 2000 - Cyrhaeddwyd £211,000 trwy’r gronfa apêl. Llongyfarchwyd Pwyllgor Gwaith Bro Conwy ar eu llwyddiant. Disgwylir gweddill ar darged oddeutu £50,000 sef cyfraniad am wasanaeth gan yr Urdd trwy'r Gwasanaethau Canolog a'r Maes.
	Cronfa Pantyfedwen - Bydd yr arian yn cael ei rannu trwy'r Rhanbarthau.
	Y Dyfodol - Mae'r Cyfarwyddwr (Siân Eirian) yn awyddus i sefydlu grwpiau bach i sicrhau rôl mewn gweithredol gan aelodau'r Bwrdd. Mae angen ethol aelodau o'r Bwrdd i'r Pwyllgor Gwaith lleol gyda lle i Gadeirydd pob Pwyllgor Gwaith Eisteddfodau Cenedlaethol ar y bwrdd canolog.
	Caerdydd 2002 - Nodwyd y dyddiadau, 3 - 8 Mehefin (wythnos hanner tymor).
	Adroddiad - Nodwyd bod Ian Carter yn paratoi adroddiad i'w gyflwyno i Bwrdd yr Iaith a'r Cynulliad am gostau cynnal safleoedd amrywiol i'r dyfodol. Gobeithio bydd mod adeiladu cais am gymorth ychwanegol.
	Aelodau Byrddau - Cytunwyd i'r awgrym gan y Bwrdd Eisteddfod bod angen cyfethol aelodau o'r Rhanbarthau sy heb gynrychiolaeth yn barod o'r Taleithiau ar y Byrddau (i bob Bwrdd). Mae angen cyfethol o restr aelodau'r Cyngor (sef y pedwar cynrychiolydd o bob rhanbarth).
	Nodwyd yn ychwanegol bod angen cynrychiolydd o'r Pwyllgor Gwaith yr Eisteddfod Genedlaethol gyfredol i fod ar y Bwrdd Busnes. Cefnogwyd y cynigion gan y Cyngor.

6. Y Dyfodol - Adroddiad gan y Prif Weithredwr (Jim O'Rourke)	Datganwyd bod y mudiad yn edrych yn hyderus i'r dyfodol ar ddiwedd cyfnod digon anodd. Roedd y clwy wedi effeithio ar bob agwedd - o'r Gwersylloedd a'r Maes i'r Eisteddfod, o ddigwyddiadau Cenedlaethol i rai lleol.
	Nodwyd cyfraniad pwysig y gwirfoddolwyr a'r angen i sicrhau cefnogaeth iddynt a'r gobaith bydd modd gwella ar hyn i'r dyfodol.
	Nodwyd Taith yr Urdd fel cam bositif i ail lansio'r mudiad gan ddefnyddio cyllideb arbennig o'r Cynulliad at y pwrpas. Rydym yn cychwyn ar y broses o ail adeiladu ond yn ceisio rhedeg y mudiad gyda 25 yn llai o staff ar hyn o bryd.
	Nodwyd llwyddiant ysgubol ein safle we gyda 17,000 o ymwelwyr yn ystod mis Mai (197,000 o hits) a 1,254 o ymwelwyr mewn diwrnod - y mwyaf erioed ac ymwelwyr o 42 o wledydd i'r gwyl a'r y we.
	Nodwyd wrth ail strwythuro a thrafod yn y Byrddau a chyda staff bod y swydd Cyfarwyddwr i'r Adran Eisteddfod a’r Celfyddydau yn hanfodol ond bod modd sicrhau mwy o gydweithio rhwng staff sy'n gweithio ar agweddau o'r Eisteddfod, y Celfyddydau a'r Maes.

Y Daith - Adroddiad gan Dyfrig Morgan	Esboniwyd nod a chynnwys y daith a'r tair elfen i'r adrannau gwahanol - cynradd, Uwchradd a'r Urddaholics. Bydd sioe broffesiynol gyda Mistar Urdd yn cychwyn ym Medi i'r oed cynradd gyda sioe wahanol i'r oedran uwchradd i'r Ysgolion Cymraeg/Dwyieithog yn Hydref/Tachwedd a sioe i'r ysgolion ail Iaith yn Ionawr/
	Chwefror. Mae trefniadau yn cychwyn hefyd i ddigwyddiad mawr yng Nghaerdydd i’r urddaholics yn Nhachwedd - tocyn gêm rygbi, cyngerdd a theithio o bob rhan o Gymru am bris sy'n cynnwys bob dim - am £20.00 - £25.00
	Nodwyd gan Prys Edwards yr angen i ddefnyddio'r daith i sicrhau atborth o'r aelodau ac yna cynllunio i adfwy ein darpariaeth yn ôl dymuniadau'r aelodau. Mae'n amserol i'r mudiad gynllunio ac arbrofi a datblygu gweithgareddau newydd sy'n apelio i'r oedrannau gwahanol.

7. Unrhyw fater arall	Nodwyd bod cyfraniadau yn cyrraedd yn dilyn llwyddiant yr ý yl a'r sylw i'r mudiad ar y rhaglen deledu - Y Byd ar Bedwar. Bydd y cyfle i gyfrannu yn cael ei hysbysebu yn yr Hydref ond ni fydd lansio apêl arbennig.
8. Dyddiad a lleoliad y Cyngor nesaf	- 17 Tachwedd 2001 yng Ngwersyll yr Urdd Llangrannog gyda Chyngor yr Haf yn Aberystwyth ym Mehefin

	URDD GOBAITH CYMRU - CYNGOR, 23 MEHEFIN 2001

Cofnodion o'r Cyngor a gyfarfu yng Ngwersyll Glan-llyn ar ddydd Sadwrn, 23 Mehefin 2001.