URDD GOBAITH CYMRU - CYNGOR, 28 MEHEFIN 2003

Cofnodion o'r Cyngor a gyfarfu yng Ngwesty’r Hanover, Bae Caerdydd ar ddydd Sadwrn, 28 Mehefin 2003

Presennol: Rhiannon Lewis; I. Prys Edwards; Wynne Melville Jones; Bob Roberts; Eurig Davies; Haf Morris; Meriel Parry; Dennis Davies; Glyn T. Jones; Eddie Jones; Peter Harries; Janet Evans; Carol Davies; John Rees; Linda White; Partic Stephens; Jim O’Rourke; Mai Parry Roberts; Siān Eirian; Efa Gruffudd Jones; Iola Jones; Dyfrig Morgan; Dafydd Carrington; Alun Owens; Siān Eleri Davies; Ian Carter; Dylan Elis ac Eurfyl Lewis.

Ymddiheuriadau: Geraint Rees; R. Alwyn Owens; Wil Lloyd Davies; Gwyn Morris; Iolo ab Eurfyl; Gwyndaf Roberts; Alun Puw; Ceri Pierce Hughes; Marion Owen; Delma Thomas;Nia Chapman; Siōn Edwards; Siān Eurig; Alun Jones; Jeremy Turner; Tudur Dylan; Eirith Evans; Des Davies; Kevin Davies; Peter Davies; Gwawr Davies ag Anne Hughes.

1. Croeso - Croesawodd Rhiannon Lewis bawb i’r cyfarfod o’r Cyngor ac adroddodd ar lwyddiant y daith i ymweld ā Chanolfan y Mileniwm yn ystod y bore. Cyfeiriodd hefyd at lwyddiant ysgubol Eisteddfod Tawe, Nedd ac Afan, a diolchodd i rheiny a fu’n ymwneud ā’r wyl.

Dylid fod wedi nodi fod Wynne Melville Jones a John Rees wedi ymddiheuro. Heblaw am hynny nodwyd fod y cofnodion yn gywir.

Cadarnhawyd y byddai fforwm ieuenctid yn cyfarfod ar yr un adeg ā’r Cyngor yn y dyfodol o dan arweiniad y Swyddog Urddaholics.

Gofynnodd Prys Edwards am gadarnhad y byddai’r adroddiad ar yr Eisteddfod a gomisiynwyd yn ystod y flwyddyn yn cael ei weithredu’n llawn.

Nododd Prys Edwards nad oedd gwybodaeth ariannol llawn ar gael eto am Eisteddfod 2003, ond trosglwyddodd ddiolch y Bwrdd i staff yr Urdd am eu gwaith yn enwedig staff Glan-llyn a Llangrannog yng nghyswllt Caffi Mistar Urdd.

Nododd fod yswiriant yr Urdd wedi codi bellach i £100,000 y flwyddyn.

Ychwanegol ei longyfarchiadau i’r adran gylchgronau am weithredu o fewn costau, ac am gynyddu cylchrediad.

Gofynnodd am gymeradwyaeth y Cyngor i godi £5.00 am aelodaeth, gan godi £12.00 am 3 aelod mewn teulu a £15.00 am 4. Cymeradwyodd y Cyngor.

Dywedodd fod yr Urdd yn bwriadu clustnodi £60,000 tuag at wella ansawdd Dinas Ddu, ond fod symud ymlaen yn dibynnu ar gytundeb nifer o asiantaethau.

Ychwanegodd fod pensaer wedi ei gomisiynu hefyd i roi adroddiad ar adeilad yr Urdd yn Heol Conwy ac i baratoi cynlluniau perthnasol i cais am ganiatād cynllunio er sicrhau y gwerth gorau posib i’r eiddo.

Diolchodd Carol Davies i Swyddogion Datblygu’r Urdd am sicrhau gweithgaredd ar draws Cymru.

Nododd fod Catrin James wedi ei phenodi fel Swyddog Hyfforddi.

Cafwyd adroddiadau cadarnhaol ar waith dyngarol, a chwaraeon yr Urdd. Nododd fod llyfr epilogau bellach ar werth – ‘Dewch at eich gilydd’

Codwyd y materion canlynol ynglyn ā’r Eisteddfod

a. Yr angen am gronfa ddata o feirniaid – ond nodwyd bod angen trafod ā Chymdeithas Eisteddfodau Cymru.

b. Yr angen i gysoni ffi i feirniaid.

c. Yr angen i gadarnhau’r rheol ar adrannau/adrannau ysgol.

Nodwyd fod Bwrdd yr Iaith Gymraeg yn cynnal arolwg o waith y maes rhwng Awst a Hydref.

Gwnaed argymhelliad gan Fwrdd y Maes i Rhanbarth Myrddin gael ei hollti’n ddwy sir, ar sail nifer o aelodau. Cytunwyd i hyn.

Tynnodd sylw at lyfryn newydd gan Gomer ar yr Urdd.

Mae angen nodi hefyd fod Rhanbarth Abertawe, Nedd a Phort Talbot yn newid ei enw i Gorllewin Morgannwg.

Eglurodd Siān Eirian fod y rheol ar adrannau yn glir yn y rhestr testunau, ond bod angen cysoni’r dehongliad ohono.

Nododd hefyd fod angen argymhelliad i daleithiau gysoni’r tāl beirniaid.

Eglurodd Jim O’Rourke fod angen croesawu arolwg Bwrdd yr Iaith Gymraeg ar waith yr Urdd.

Diolchodd Eurig Davies am bob cymorth a gafwyd er mwyn cynnal Eisteddfod Tawe, Nedd ac Afan.

Soniodd am ambell broblem, gan gynnwys gormod o geir ar y maes.

Eglurodd fod trafodaeth wedi bod hefyd ynglyn ā gwella’r awyrgylch o wyl ar y maes.

Nodwyd fod gwersi i’w dysgu wrth symud y rhagbrofion ar y maes, ond iddo fod yn llwyddiant mawr.

Tynnodd sylw at bwysigrwydd cadw at reolau yn yr Eisteddfodau Cylch a Rhanbarth.

Dangosodd Jim O’Rourke fideo ar Ganolfan y Mileniwm a rhoddodd gyflwyniad ar berthynas yr Urdd ā Chanolfan y Mileniwm. Eglurodd yr amserlen a’r llu o bosibiliadau ar gyfer cydweithredu gyda’r partneriaid eraill yno. Ychwanegodd byddai’r ganolfan yn cynnig profiadau dinesig a phrofiadau perfformio i’r ymwelwyr, a’i fod yn ddatblygiad cyffrous iawn.

Cododd Wynne Melville Jones y pwysigrwydd fod yr Urdd yn annog Cenhedlaeth newydd o Gymry dwyieithog i ddefnyddio eu Cymraeg yn naturiol. Eglurodd Jim O’Rourke fod pwyslais arbennig i gynyddu’r cyfleoedd i bobl ifanc ddefnyddio’r Gymraeg gan yr Urdd, yn enwedig yn yr oedran 12 – 15. Cytunwyd i drosglwyddo’r drafodaeth i Fwrdd y Maes.  Awgrymodd Prys Edwards y dylid cael trafodaeth ehangach ynglyn a’r mater hwn.

9. Dyddiad y Cyngor nesaf – Dydd Sadwrn, 15 Tachwedd 2003.