Neges Ewyllys Da 2004

Eleni mae Neges Heddwch ac Ewyllys Da Urdd Gobaith Cymru yn 82 oed ac ers 1922 mae’r neges wedi bod yn ysgogiad ac yn ysbrydoliaeth i weithgarwch dyngarol a rhyngwladol yr Urdd.  Anfonwyd y neges cyntaf gan Y Parch Gwilym Davies o Gwm Rhymni.  Roedd y Parch Gwilym Davies yn Heddychwr mawr ac yn flaenllaw wrth sefydlu Undeb Cymreig y Cenhedloedd Unedig ac yn ddiweddarach UNESCO.  Credai mewn dod â phlant y cenhedloedd ynghyd a penderfynodd Syr Ifan y dylai'r Urdd ymuno gyda'r fenter o gyhoeddi'r neges er mwyn dileu'r anwybodaeth a'r rhagfarnau oedd yn bodoli rhwng cenhedloedd y byd.  Roedd y neges cyntaf, a anfonwyd mewn morse code, yn gweddio ar i Dduw fendithio ymdrechion a gwaith dynion da dros y byd a dod a rhyfela i ben.  Cafwyd un ymateb gan warchodwr Tŵr Eiffel Paris.  Darlledwyd y neges am y tro cyntaf ar y BBC World Service yn 1924 ac erbyn heddiw mae’r neges yn ymddangos mewn 12 iaith ar y We ac yn cyrraedd pedwar ban byd, ac mae’r ymatebion yn cynyddu pob blwyddyn.

Yn y 50au rhoddwyd sêl bendith i’r neges a chymerodd yr Urdd y cyfrifoldeb dros gyhoeddi Neges Heddwch ac Ewyllys Da yn flynyddol ar ddydd Ewyllys Da sef Mai 18, sef dyddiad y gynhadledd heddwch gyntaf yn yr Hâf yn 1899.

Lluniwyd y neges gan aelodau’r Urdd o Aelwyd yr Ynys, Ynys Môn.  Mae’r neges yn annog ein bod ni yn prynu nwyddau Masnach Deg a chefnogi cynhyrchwyr yng ngwledydd tlawd y byd.

Nôl