Urdd Gobaith Cymru
   Swyddfa’r Urdd
     Ffordd Llanbadarn
       Aberystwyth
         Ceredigion
          SY23 1EY

         Ffôn 01970 613110
      Ffacs 01970 626120
Ar y We:www.urdd.org

EISTEDDFOD GENEDLAETHOL URDD GOBAITH CYMRU, YNYS MÔN, 2004

 Datganiad i'r Wasg

Y FEDAL LENYDDIAETH

Enillydd:  MARI SION AELOD UNIGOL, CYLCH CAERDYDD, CAERDYDD A’R FRO

 Dyma oedd gan Ceri Wyn Jones a Sonia Edwards, beirniad Y Fedal Lenyddiaeth eleni, i'w ddweud am Dilyffethair, casgliad i gerddi buddugol Mari Siôn:

 "Cyfrol o gerddi  sy’n llwyr argyhoeddi. Dyma fardd o’r iawn ryw. Mae yma waith aeddfed a sensitif ac mae’r dweud yn hudolus ar brydiau fel yn y gerdd Websters ‘Bookstore Café’ sy’n berl. Medda ... ar y ‘peth’ anniffiniol hwnnw sy’n treiddio i synwyrusrwydd dyn a’i swyno. Gwobrwyer y casgliad hwn yn ddiymdroi!" 

Yn dair ar hugain oed, ganed Mari yng Nglyn Ceiriog, a symudodd y teulu i fyw ym Mangor pan oedd hi'n 11 oed.  Mae hi'n un o dri o blant, ei thad yn gweithio i BBC Cymru ym Mangor a'i mam yn gweithio i Gyngor Gwynedd.   

Derbyniodd ei haddysg yn Ysgol Tryfan, Bangor, gan fynd i Goleg Prifysgol Cymru Aberystwyth i astudio gradd Gwleidyddiaeth Ryngwladol ac yna MA mewn gwleidyddiaeth.

 Bellach mae Mari yn gweithio i Blaid Cymru ac yn ymchwilydd personol i Leanne Wood AC

Y prif ddylanwad ysgrifennu arni fel plentyn oedd Irma Chilton gan ei bod hi hefyd yn dod o Lyn Ceiriog

Mae Mari wedi cael llwyddiant yng nghystadlaethau llenyddol yr Urdd yn y gorffennol, gan ddod yn drydydd yn y gadair ym Mro Conwy 2000.

 Sioned Bevan, Aelod Unigol o Gylch Cefni, Ynys Môn ddaeth yn ail eleni, gyda Manon Wyn, Aelwyd Llandwrog, Cylch Dyffryn Nantlle, Eryri ac Iwan Wyn Rees, Aelwyd Coleg Meirion-Dwyfor, Cylch Llyn, Eryri yn rhannu'r drydedd wobr.

Diwedd

 Am fwy o fanylion cysylltwch â Siân Eleri Davies ar 07811 269929 neu Eurgain Haf ar
07770 955668

 31 Mai 2004