Urdd Gobaith Cymru
   Swyddfa’r Urdd
     Ffordd Llanbadarn
       Aberystwyth
         Ceredigion
          SY23 1EY

         Ffôn 01970 613110
      Ffacs 01970 626120
Ar y We:www.urdd.org

EISTEDDFOD GENEDLAETHOL URDD GOBAITH CYMRU YNYS MÔN, 2004

Datganiad i'r Wasg 

MEDAL Y DYSGWYR 

Enillydd: PATRICK BIDDER, YSGOL UWCHRADD CAERDYDD, DWYRAIN CAERDYDD, CAERDYDD A’R FRO.

Enillydd Medal y Dysgwyr eleni yw Patrick Bidder o Ysgol Uwchradd Caerdydd.  Partick yw Prif Fachgen Ysgol Uwchradd Caerdydd eleni.
Mae’n astudio Cymraeg, Saesneg, Ffrangeg a Hanes at Lefel Uwch, ac mae wedi derbyn cynnig amodol i Goleg Sant Ioan Caer‑grawnt i astudio Athroniaeth.
Diddordebau Patrick yw chwarae’r ffidl, chwarae tennis, darllen Cymraeg, gwylio ffilmiau a siarad efo’i ffrindiau.

Mae’n aelod o Gerddorfa Genedlaethol Ieuenctid Cymru – ac mae’n cyfrif Cerddoriaeth yn bwysig iawn iddo.  Yn ei amser hamdden mae Patrick yn chwarae ei ffidl mewn ensemble offerynnol mewn priodasau a phartïon.
Ei obaith ar gyfer y dyfodol yw cael gwaith gyda’r Cenhedloedd Unedig ym Mrwsel neu yn y Cynulliad yng Nghaerdydd.

Er mwyn gwella ei Gymraeg mae’n ymarfer siarad efo disgyblion o Ysgol Gyfun Gymraeg Glan Taf yng Nghaerdydd – ac un o’r rheiny yn arbennig!
Dymuna Patrick ddiolch i’w athrawes Gymraeg yn yr ysgol, Nerys Roberts, am ei hanogaeth a’i chefnogaeth bob amser i wneud yn sir ei fod parhau a’i addysg yn y Gymraeg.

Bu'n flwyddyn tu hwnt o lwyddiannus i Ysgol Uwchradd Caerdydd, gyda dau ddisgybl o'r ysgol yn cael yr ail a'r drydedd wobr eleni.  Daeth BETH SMITH yn ail a DANIEL O’GRADY yn drydydd.

Diwedd

Am fwy o fanylion cysylltwch â Siân Eleri Davies ar 07811 269929 neu Eurgain Haf ar 07770 955668

01 Mehefin 2004