Urdd Gobaith Cymru
   Swyddfa’r Urdd
     Ffordd Llanbadarn
       Aberystwyth
         Ceredigion
          SY23 1EY

         Ffôn 01970 613110
      Ffacs 01970 626120
Ar y We:www.urdd.org

EISTEDDFOD GENEDLAETHOL URDD GOBAITH CYMRU

YNYS MÔN,  2004

Datganiad i’r Wasg

4 Mehefin 2004

Urddaholics yn Wirfoddolwyr y Mileniwm

Mae nifer o aelodau Urddaholics (pobl ifanc 16 - 25 oed) yn y de-ddwyrain wedi ymrwymo i'r cynllun Gwirfoddolwyr y Mileniwm dros y flwyddyn diwethaf.  Fel rhan o'r cynllun yma mae dros 40 o aelodau rhwng 16 - 19 oed wedi ymrwymo i wneud gwaith gwirfoddol am flwyddyn ar wahanol brosiectau a gynhelir gan yr Urdd yn y gymuned.  Mae’n rhaid i bawb sy'n cymryd rhan yn Gwirfoddolwyr y Mileniwm gyflawni 100 o oriau o waith gwirfoddol cyn y byddant yn cael tystysgrif cydnabyddedig am eu gwaith.  Bydd pawb sy'n cyflawni 200 o oriau yn derbyn tystysgrif rhagoriaeth.

Rhai o'r cynlluniau y mae'r Urddaholics yn ymwneud â nhw yn y gymuned yw:

·                         Hyfforddi pêl-droed i aelodau cynradd

·                         Rhedeg a chynnal adrannau'r Urdd i blant ail-iaith

·                         Cynnal a rhedeg adrannau ac uwch-adrannau'r Urdd i siaradwyr Cymraeg

·                         Cynorthwyo Swyddogion Datblygu'r Urdd gyda gweithgareddau

·                         Hybu gweithgareddau cymundeol yr Urdd yn eu hysgolion

Meddai Carly Jones, 17 oed o Benybont-ar-ogwr,

"Mae cymryd rhan yn y cynllun Gwirfoddolwyr y Mileniwm efo’r Urdd wedi rhoi cyfle i mi gael profiad gwerthfawr o weithio gyda phlant a phobl ifanc trwy gyfrwng y Gymraeg.  Rwyf yn dysgu sgiliau newydd holl bwysig ac mae’n rhoi boddhad mawr i mi feddwl fy mod yn cyfrannu at fywyd y gymuned."

Meddai Sara Richards, Swyddog Urddaholics y de-ddwyrain,

"Mae prosiect Gwirfoddolwyr y Mileniwm yn brosiect cenedlaethol sydd wedi ei anelu at bobl ifanc 16 - 24 mlwydd oed i roi’r cyfle iddynt wirfoddoli a chael cydnabyddiaeth am yr hyn maent yn ei gyflawni.  Mae'n braf gweld yr Urddaholics sy'n cymryd rhan yn y cynllun yma yn derbyn cyfrifoldeb ac yn datblygu'n unigolion gwerthfawr sy'n cyfrannu eu hamser ac yn rhannu eu harbenigedd gyda'r gymuned - a'r cyfan trwy gyfrwng y Gymraeg.'

----------------------------------- DIWEDD -----------------------------------

Am fwy o fanylion cysylltwch â Siân Eleri Davies
neu Eurgain Haf