Urdd Gobaith Cymru
   Swyddfa’r Urdd
     Ffordd Llanbadarn
       Aberystwyth
         Ceredigion
          SY23 1EY

         Ffôn 01970 613110
      Ffacs 01970 626120
Ar y We:www.urdd.org

EISTEDDFOD GENEDLAETHOL URDD GOBAITH CYMRU

YNYS MÔN,  2004

Datganiad I'r Wasg

ARDDANGOSFA HERIOL

Pafiliwn o bosau, gweithgareddau a rhyfeddodau ydi'r Pafiliwn Gwyddoniaeth a Mathemateg eleni.  John Idris Jones ydy Cadeirydd Pwyllgor Gwyddoniaeth Eisteddfod Genedlaethol Urdd Gobaith Cymru Môn:

"Yn y Pafiliwn gydol yr wythnos bydd llu o weithgareddau mathemategol a gwyddonol gwahanol.  Yn ogystal â her gwyddoniaeth - sef hanner dwsin o daclau gwahanol sy'n bosau i'w datrys, mi fydd criw Calon Cymru yno yn gwneud profion syml i weld pa mor iach ydy'r eisteddfodwyr.  Tu allan yr arddangosfa, bydd  'bysgiwr gwyddoniaeth' yn crwydro'r maes ac yn holi a phryfocio i weld faint mae pobl yn wybod am wyddoniaeth a mathemateg.  Yn y pafiliwn bydd cystadleuaeth K-Nex ddyddiol, sef  cyfle i ddefnyddio blociau ychydig yn fwy peirianyddol na Lego i adeiladu tr neu bont - addas iawn ar Ynys Môn!"

Bydd arddangosfa o waith buddugol cystadlaethau gwyddoniaeth a mathemateg yr yl yn y Pafiliwn hefyd, a chyfle i chwarae'r gemau Mathemateg buddugol.   

Derbyniodd Eisteddfod Genedlaethol Urdd Gobaith Cymru Ynys Môn 2004 nawdd gan gwmni British Nuclear Group ar gyfer Pafiliwn Gwyddoniaeth a Mathemateg yr yl.  Bydd staff o orsaf ber yr Wylfa yn y Pafiliwn drwy'r wythnos yn rhoi help llaw gyda'r sialensau a'r gweithgareddau. 

Meddai Siân Eirian, Cyfarwyddwr yr Eisteddfod a'r Celfyddydau Urdd Gobaith Cymru:

"Fel un o brif gyflogwyr Ynys Môn, mae'r Urdd wedi cael cydweithrediad llawn y cwmni wrth baratoi am yr Eisteddfod ac mae llawer o'r gweithlu wedi rhoi o'u hamser yn wirfoddol i gynorthwyo'r mudiad. Mae'n unol â pholisi'r cwmni i gefnogi gweithgareddau pobl ifanc ac i hybu eu dealltwriaeth o wyddoniaeth."

Diwedd

Am fwy o fanylion cysylltwch â Siân Eleri Davies ar 07811 269929 neu Eurgain Haf ar 07770 955668

1 Mehefin 2004