|
EISTEDDFOD
GENEDLAETHOL URDD GOBAITH CYMRU
YNYS MÔN,
2004
Datganiad i’r Wasg
- embargo 5.00 o'r gloch nos Sul 30 Mai 2004
YNYS YR URDD
Heddiw
mae'r llenni’n codi ar wyl gelfyddydol ieuenctid fwyaf Ewrop, a bydd
llygaid Cymru gyfan yn troi i'r gogledd tua Ynys Môn am yr wythnos
nesaf. Dyma fydd y pedwerydd tro i Eisteddfod yr Urdd ymweld â'r
ynys gyda thref farchnad Llangefni yn 1948, Caergybi yn 1966 a
Phorthaethwy yn 1976 eisoes wedi estyn croeso i'r Brifwyl. Ond mae
ei chartref eleni ar faes y Primin yn dod â blynyddoedd o waith
trafod a chydweithio rhwng swyddogion Sioe Môn a'r Urdd i'w benllanw.
Gan fod y tir yn cael ei ddefnyddio ar gyfer sioeau, mae'r Urdd yn
hynod ffodus o'r isadeiledd ar y maes sydd wedi rhwyddhau'r paratoi
a fydd hefyd yn hwyluso rhediad yr Eisteddfod.
Meddai Siân Eirian, Cyfarwyddwr yr Eisteddfod a'r Celfyddydau Urdd
Gobaith Cymru
"Rydym yn hynod ddiolchgar am gydweithrediad y Gymdeithas
Amaethyddol ym Môn. Gobeithio bydd cynnal yr Eisteddfod yma yr
wythnos hon yn dangos i bobl yr ynys a thu hwnt, botensial yr
adeilad pwrpasol hwn sydd wedi ei adnewyddu mewn da bryd ar gyfer yryl.
Rydym yn hynod falch mai Eisteddfod yr Urdd ydi'r digwyddiad cyntaf
i gael ei gynnal ar y safle ar ei newydd wedd.
Carwn ddiolch hefyd i Gyngor Sir Ynys Môn am eu cefnogaeth hael a'u
cydweithrediad hynaws gydol y daith.
Pleser o'r mwyaf yw gallu cyhoeddi heddiw fod y targed ariannol a
osodwyd i bobl leol wedi cyrraedd £210,000, sy'n swm anrhydeddus
sy'n adlewyrchiad o ymroddiad a dyfalbarhad y gwirfoddolwyr lleol.
Gwaith tîm sy'n gwneud Eisteddfod yr Urdd yn bosib, a
chydweithrediad llu o wirfoddolwyr ac amrywiol asiantaethau er mwyn
creu cyfanwaith a chyflawni gwyrthiau yn yr yl
yn flynyddol."
Mae'r Eisteddfod wedi mynd ati i ddatblygu ar lwyddiant arbrawf
llwyddiannus llynedd o gynnal yr holl ragbrofion ar y maes. Gan nad
oes gymaint o adeiladau pwrpasol ar y maes eleni, mae'r Eisteddfod
wedi codi adeiladau addas ar gyfer cynnal y rhagbrofion, a'r gobaith
ydy y bydd y trefniant yma unwaith eto yn hwyluso'r profiad o
gystadlu.
Mae'r arlwy ar y maes wedi ei datblygu eto eleni, ac mae'r Urdd yn
hyderus bod darpariaeth yn yr yl
ar gyfer y teulu cyfan. Am y tro cyntaf mae dau o sêr cerddorol yr
ynys, Gwyn Hughes Jones ac Iwan Llywelyn Jones yn cynnal
dosbarthiadau meistr ar y maes yn y prynhawniau. Dyma gyfle heb ei
ail i blant a ieuenctid Cymru fanteisio ar athrylith dau sydd wedi
cyrraedd y brig ym myd cerddoriaeth, a chael profiad o weithio
gyda'r goreuon.
Bydd myrdd o weithgareddau ymylol eraill ar y maes yn ychwanegu at
yr ymdeimlad o yl
yn yr Eisteddfod. Fel arfer bydd cyfle i gymryd rhan mewn sesiynau
chwaraeon, o rygbi a phêl‑droed i golff a thennis, trampolinio,
dawns a chriced - oll dan ofal staff chwaraeon profiadol yr Urdd.
Bydd ramp sgrialu ger stondin S4C a chyfle i'r mentrus roi cynnig ar
ddangos eu triciau. Am y tro cyntaf bydd tipi ar y maes, a
gweithgareddau atyniadol i blant a phobl ifanc yn cael eu cynnal
ynddi gydol yr wythnos - gweithgareddau megis sgiliau syrcas a
gweithdai dawns, sgriptio ac actio.
Mae'r Urdd yn falch o gael cyfle i weithio gydag asiantaethau
amrywiol fel BBC Cymru a'r cylchgrawn V i greu darpariaeth ddeniadol
ar gyfer ieuenctid ar y maes. Diolch i gydweithrediad BBC Cymru
bydd holl ragbrofion a chystadlaethau roc a phop yr yl,
a’r holl ragbrofion a'r cystadlaethau dawnsio disgo, yn digwydd ar
stondin y BBC.
Bydd cyfraniad staff y gwersylloedd yn hanfodol i'r Eisteddfod eto
eleni. Yn ogystal â'r hen ffefrynnau, wal ddringo Glan-llyn a
beiciau modur Llangrannog bydd Caffi Mistar Urdd yn ei ôl am yr ail
flwyddyn i ddarparu lluniaeth i'r eisteddfodwyr. Unwaith eto
cynnyrch Cymreig fydd ar y fwydlen a bydd dewis eang o frechdanau i
fyrbrydau i brydau poeth ar gael drwy'r dydd. Mae'r ysgolion sy'n
cystadlu wedi cael cyfle i archebu pecyn bwyd ar gyfer y daith adref
o'r caffi hefyd.
Derek Evans ydy Cadeirydd Pwyllgor Gwaith Eisteddfod Genedlaethol
Urdd Gobaith Ynys Môn.
" Mae wedi bod yn fraint ac anrhydedd bod yn gadeirydd Pwyllgor
Gwaith Eisteddfod yr Urdd Ynys Môn 2004. Mae nifer fawr o bobl wedi
gweithio mor galed ar is‑bwyllgorau a llu o bwyllgorau apêl dros y
ddwy flynedd diwethaf i wneud y freuddwyd o Eisteddfod Genedlaethol
ym Môn ddod yn wir. Oherwydd nifer o amgylchiadau yr Eisteddfod yma
fydd y gyntaf yn y gogledd ers y flwyddyn 2000, a gobeithio y bydd
yr Eisteddfod hon yn tanio brwdfrydedd plant a phobol ifanc y
Gogledd a Chymru ben baladr."
Meddai Siân Eirian
"Heno bydd yr Eisteddfod yn cychwyn gyda chyngerdd mawreddog yn y
Pafiliwn yng nghwmni Gwyn Hughes Jones, Iwan Llywelyn Jones, Elin
Fflur, Côr Seiriol, Côr yr Ynys a Seindorf Biwmaris. Mae'n addo bod
yn gyngerdd cofiadwy, ac rydyn ni'n ddiolchgar iawn i'r holl
artistiaid am roi o'u hamser, ac yn enwedig Gwyn sydd wedi gwrthod
gwahoddiad i ganu Rigoletto Verdi yn Auckland er mwyn bod
gyda ni yn yr Eisteddfod yr wythnos hon."
Diwedd
Am fwy o fanylion
cysylltwch â Siân Eleri Davies ar 07811 269929 neu Eurgain Haf ar
07770 955668
30 Mai 2004
|
