Neges Ewyllys Da 2006
Message of Goodwill 2006

Arfau a thlodi sy’n lladd o hyd

Ac mae hyn yn wir drwy’r byd i gyd 

Mae hyn mor hawdd i’w weld – does ond rhaid troi’r teledu ymlaen – mae’r cyfan yn glir i’r llygaid. 

Mae pawb yn cyfrannu arian  – ond ydyn ni’n gwneud digon?

Fe all pob un ohonom wneud mwy – yn arbennig ni, sy’n byw yn y gwledydd cyfoethog.

Mae gwledydd tlawd a chyfoethog wedi dioddef rhyfeloedd a thrychinebau naturiol, ond yn wahanol i’r gwledydd tlawd, mae’r gwledydd cyfoethog mewn sefyllfa i ymateb.  Gall arian ac adnoddau fod o gymorth mewn trychineb; dim ond ychwanegu at ofidiau wna tlodi.

Gwahoddwn ieuenctid y byd i ymuno gyda ni, bobl ifanc Cymru, i dynnu sylw at achosion tlodi dros y byd.  Dyma gyfle i ni ymgyrchu i wneud gwahaniaeth, gan ein bod yn credu fod yr hawl gan bawb i fyw cyn marw.

Defnyddiwch negesfwrdd yr Urdd i rannu newyddion am ymgyrch y bu i chi ei threfnu neu gymryd rhan ynddi ar thema’r neges urdd.org/urddaholics