Urdd Gobaith Cymru
   Swyddfa’r Urdd
     Ffordd Llanbadarn
       Aberystwyth
         Ceredigion
          SY23 1EY

         Ffôn 01970 613110
      Ffacs 01970 626120
Ar y We:www.urdd.org

BEIRNIADU CELF, DYLUNIO A THECHNOLEG

Bydd casgliad o waith Celf, Dylunio a Technoleg cannoedd o blant a phobl ifanc Cymru yn cael eu beirniadu yn Genedlaethol ar 11, 12 a 13 Ebrill 2006 yng Ngholeg Llysfasi.

Mae’r gwaith eisoes wedi ei feirniadu ar lefel cylch a rhanbarth gyda’r goreuon yn cyrraedd y Genedlaethol.

Bydd arddangosfa o’r darnau buddugol ym mhabell Celf, Dylunio a Thechnoleg Eisteddfod Genedlaethol Urdd Gobaith Cymru Sir Ddinbych ar ddiwedd mis Mai.

Bydd y Fedal Gelf yn cael ei gyflwyno ar ddydd Llun yr Eisteddfod. Noddir y Fedal Gelf eleni gan Gwmni Ifor Williams.

Meddai Siân Eirian, Cyfarwyddwr yr Eisteddfod a’r Celfyddydau Urdd Gobaith Cymru:

“Mae’r Urdd yn ymfalchïo ein bod yn meithrin talentau celfyddydol trwy gyfrwng Celf, Dylunio a Thechnoleg. Mae meithrin dawn greadigol yr un mor bwysig â’r holl dalentau eraill y mae’r Urdd yn eu datblygu. Mae gan yr Urdd dros 60 o gystadlaethau Celf, Dylunio a Thechnoleg ac ymfalchïwn bod y safon yn arbennig o uchel bob blwyddyn.”

Os hoffech chi ffilmio eitem o’r beirniadu Celf, Dylunio a Thechnoleg cysyllter â: Siân Eleri Davies, Cyfarwyddwr Cyfathrebu, Swyddfa’r Urdd, Ffordd Llanbadarn, Aberystwyth, 01970 613118, Sianeleri@urdd.org

NODIADAU I OLYGYDDION

• Urdd Gobaith Cymru yw prif fudiad ieuenctid Cymru.
• Mae’r Urdd yn cynnig cyfleoedd penigamp i blant a ieuenctid Cymru ers dros 80 mlynedd.
• Mae gan yr Urdd dros 51,000 o aelodau rhwng 8 a 25 oed.
• Sefydlwyd yr Urdd er mwyn rhoi cyfle i blant a phobl ifanc Cymru fyw bywydau byrlymus trwy gyfrwng y Gymraeg a magu hyder a pharch tuag at ei gilydd a phobl eraill yn y byd.
• Mae gweithgareddau’r Urdd yn cynnwys teithiau, chwaraeon, eisteddfod, cylchgronau, adrannau ac aelwydydd a gwersylloedd.
• Cynhelir Eisteddfod yr Urdd 2006 yn Rhuthun, Sir Ddinbych rhwng 29 Mai a 3 Mehefin 2006.

View in English