Urdd Gobaith Cymru
   Swyddfa’r Urdd
     Ffordd Llanbadarn
       Aberystwyth
         Ceredigion
          SY23 1EY

         Ffôn 01970 613110
      Ffacs 01970 626120
Ar y We:www.urdd.org

RAS FALWNS FAWR I GROESAWU EISTEDDFOD YR URDD I SIR DDINBYCH

Mae Urdd Gobaith Cymru yn trefnu ras falwns enfawr i groesawu Eisteddfod yr Urdd i Sir Ddinbych eleni.

Bydd y ras yn cael ei chynnal ar ddydd Sadwrn 13 Mai yng Nghanolfan Hamdden Y Rhyl rhwng 10 - 12 o’r gloch.

Trefnir y digwyddiad gan Bwyllgor Gweithgareddau a Chyhoeddusrwydd Eisteddfod yr Urdd Sir Ddinbych a bydd yr elw yn mynd tuag at  yr Eisteddfod.

Bydd cymeriadau S4C, Mistar Urdd a Clwydo yno a bydd cyfle i wylio gêm rygbi rhwng ysgolion lleol a llu o weithgareddau potes. Bydd gwobr o £50 i’r person fydd yn berchen ar y balŵn a fydd wedi teithio bellaf, gwobr o £25 i’r person fydd yn dychwelyd y balŵn, a bydd gwobr i’r unigolyn fydd wedi gwerthu y nifer mwyaf o falwns. 

Meddai Mair Edwards, Swyddog Datblygu Urdd Gobaith Cymru Sir Ddinbych:

“Diolch yn fawr iawn i ddisgyblion y sir sydd wedi bod yn gwerthu’r balŵns ac edrychwn ymlaen at eich cwmni i weld 1,600 o falŵns yn dechrau’r ras yng Nghanolfan Hamdden Y Rhyl.”

Mae Eisteddfod Genedlaethol Urdd Gobaith Cymru yn cael ei chynnal eleni yn Rhuthun rhwng 29 Mai a 3 Mehefin.

Mae tocynnau i’r Eisteddfod ar werth ar lein – urdd.org/eisteddfod neu trwy ffonio 0845 2571 639

Os hoffech chi drefnu ffotograffydd neu griw ffilmio i ddod i’r Ras Falŵns cysyllter â: Manon Wyn, Swyddog Marchnata a Chysylltiadau Cyhoeddus, Swyddfa’r Urdd, Ffordd Llanbadarn, Aberystwyth, 01970 613115, manonwyn@urdd.org

NODIADAU I OLYGYDDION

• Urdd Gobaith Cymru yw prif fudiad ieuenctid Cymru.
• Mae’r Urdd yn cynnig cyfleoedd penigamp i blant a ieuenctid Cymru ers dros 80 mlynedd.
• Mae gan yr Urdd dros 51,000 o aelodau rhwng 8 a 25 oed.
• Sefydlwyd yr Urdd er mwyn rhoi cyfle i blant a phobl ifanc Cymru fyw bywydau byrlymus trwy gyfrwng y Gymraeg a magu hyder a pharch tuag at ei gilydd a phobl eraill yn y byd.
• Mae gweithgareddau’r Urdd yn cynnwys teithiau, chwaraeon, eisteddfod, cylchgronau, adrannau ac aelwydydd a gwersylloedd.

• Cynhelir Eisteddfod yr Urdd 2006 yn Rhuthun, Sir Ddinbych rhwng 29 Mai a 3 Mehefin 2006, ac mae Eisteddfod yr Urdd 2007 yn cael ei chynnal yng Nghaerfyrddin.

View in English