|
EISTEDDFOD URDD GOBAITH CYMRU MÔN 2004
DATGANIAD I’R WASG
Noson Fawr Arall a llawer iawn o
Hwyl i’r teulu i gyd!!
Ocsiwn yr Urdd - Celfyddyd Gain, Rhoddion ac Addewidion lu!
Dros 80 Lot i gyd!
Roedd
Pwyllgor Gwaith yr Eisteddfod, ar ddiwedd 2003, yn awyddus i gynnal un
digwyddiad sylweddol, gwahanol ym mis Mawrth 2004 cyn Eisteddfod
Genedlaethol Urdd Gobaith Cymru fydd yn cael ei chynnal ym Mona rhwng
31ain Mai a 5ed Mehefin 2004, ac aed ati i edrych a fyddai trefnu ocsiwn
yn bosibl!
Mae’r
paratoadau ar gyfer y noson ddiddorol yma bron wedi eu cwblhau ac mi
fydd hi’n noson dda! Mae pethau’n dod i’w lle yn rhyfeddol, diolch am
gydweithrediad a haelioni cymaint o ffrindiau ar hyd a
lled Ynys Môn. Diolch i bawb!
Yn barod, cafwyd llawer o addewidion gwahanol a difyr, er
enghraifft - Gweithiau Celf gan nifer dda o’n harlunwyr amlycaf. Sgŵp!
Beth am awr o daith awyr o gwmpas Ynys Môn o
faes awyr Mona. Cawsom hefyd addewid o rodd gan Robin McBryde a’i
ffrindiau yn sgwad rygbi Cymru ac mae yna ddiwrnod i ddau yn ffilmio ar
set cyfres “Rownd a Rownd" a chael bod yn ecstras!
Be am daith bysgota i chi a ffrind, neu fordaith i ddau o
gwmpas Ynys Seiriol? Os ydi’n well gennych chi gael ei troed ar dir sych,
beth am wers(i) golff? Yn ogystal mae yna docynnau fydd yn prynu blodau
hyfryd yn rhoddion, tocyn teulu i’r Pili Palas yn y Borth, ffotograffau
wedi eu fframio. Mae yna hefyd swperau i ddeuoedd mewn gwestai, trin
gwallt gydag arbenigwyr a hefyd gallwch brynu nifer o docynnau
cyngherddau, nwyddau wedi eu llofnodi, nwyddau i’r tŷ, bwydydd, diodydd,
ornaments .............. ac mae’r rhestr yn dal i dyfu!
Tybed oes gennych chi, efallai, rywbeth bach a allai
werthu’n syfrdanol! Os mynnwch, gallwch roi pris
cadw (reserve) arno fo. Iawn? Pe bai gennych rodd
i’w gynnig, ffoniwch Swyddfa’r Eisteddfod yng Nglanllyn
(01678) 541013 cyn Mawrth 3ydd gan ddweud eich bod eisiau
sôn am "Ocsiwn y Gwanwyn”. Diolch diffuant iawn ymlaen llaw.
Bydd y noson yn
cychwyn am 6.00 yr hwyr yng Ngwesty Carreg Brân rhwng y Borth a
Llanfairpwllgwyngyll ar Nos Iau, Mawrth 11eg 2004. Mi fydd gennych chi awr
i weld be sydd o dan y morthwyl, ac yna am 7.00 mi fydd yr Ocsiwn yn
cychwyn, dan drefn a chyda cydweithrediad caredig yr Arwerthwyr
proffesiynol, Cwmni Morgan Evans, Llangefni a’r Gaerwen.
Cofiwch wneud nodyn o’r digwyddiad yn eich dyddiadur,
soniwch wrth bawb a allai fod â diddordeb a dewch
draw am fargen, am gyfle i gael rhywbeth gwerthfawr
neu jest i gael hwyl yn codi (yn bidio) yn erbyn eich
ffrindiau! Mae andros o foddhad i’w gael o allu codi
arian a chael hwyl wrth wneud hynny! Gwelwn ein
gilydd yng Ngharreg Brân ar 11eg Mawrth 2004!
Am ragor o
wybodaeth, cysylltwch â Bethan Wyn Jones ar 01248 723510 neu
07713 862792
Bilingual Version |
